ಹಕ್ಕಿಗಳು ಹಾರುತಿವೆ....

ಹಕ್ಕಿಗಳು ಹಾರುತಿವೆ ನೋಡಿದಿರಾ |
ಮೋಡ ತುಂಬಿದ ಮುಗಿಲ ಅಂಗಳದಾಗ ||

ಹಳ್ಳದ ದಂಡೆಯ ಗೂಡಿಗೆ ಮರಳಿ ಹೊರಟಾವ|
ಬಾಯಲ್ಲಿ ಭತ್ತದ ಕಾಳುಗಳ ಚೀಲವ ತುಂಬಿಕೊಂಡಾವ||

ಗದ್ದೆ ಕೆಸರಿನಲ್ಲಿ ಮುಂಜಾವಿನಿಂದ ಬಹಳ ದಣಿದಾವ|
ಮಿಡತೆ ಕೀಟಗಳ ತಿಂದು ತೇಗಾವ||

ಮಳೆಬಿಲ್ಲಷ್ಟೆ ಬಣ್ಣವ ರೆಕ್ಕೆಗಳಿಗೆ ಹಚ್ಚಿಕೊಂಡಾವ|
ಮಳೆ ಬರವುದೆಂದು ,ಮಲೆಯ ಕಡೆಗೆ ಹೊರಟಾವ||

ಸಾಂಗತ್ಯ ಬಯಸಿ,ಸಂಗಾತಿಯ ಅರಸಿತು ಊರೂರ ಅಲೆಯುತ್ತಾ|
ಸಂಗಾತಿಯೊಡಗೂಡಿ ಸೃಷ್ಟಿಸಿತು ಮರಿ ಜೀವಗಳ ಸಂತಾನವೆಂಬ ನೆಪದಲ್ಲಾ||

ಅಭಿಲಾಷ್ ಟಿ ಬಿ
ತಿಪಟೂರು