ಭಾವ ವರ್ಷಿಣಿ .....

ಭಾವ ವರ್ಷಿಣಿ ..... 

೧. 

ಕವಿತೆ " ಚಿಟ್ಟೆ "

ಬಣ್ಣದ ಚಿಟ್ಟೆ ಎಲ್ಲಿಗೆ ಹೊರಟಿರುವೆ|

ಪ್ರೇಮ ಪತ್ರವ ಕೊಡುವೆ,ತಲುಪಿಸುವೆಯ ನನ್ನ ಗೆಳತಿಗೆ||

ಉಪ್ಪರಿಗೆಯ ಕೋಣೆಯ ಕಿಟಕಿಯ ಬಳಿ|

ಕುಳಿತು ಚಂದಿರನ ಜೊತೆ ಹರಟುತಿಹಳು||

ನಿನ್ನ ರೆಕ್ಕೆಯಲ್ಲಿರುವ ವಿಧ ವಿಧ ಬಣ್ಣಗಳ|

ಹಲವು ಬಿಂದಿಗಳು ಅವಳ ಕೊಣೆಯಲ್ಲಿಹುದು||

ಹೂವಿಂದ ಹೂವಿಗೆ ಹಾರುವ ನೀನು|

ನನ್ನ ಪ್ರೇಮದ ಅಮೃತವ ಹೀರದೆ ಪತ್ರವ ತಲುಪಿಸೆ||

ಕಾಯುತ್ತಾ ಕುಳಿತಿರುವಳು ಕಂಬಕ್ಕೆ ಒರಗಿ|

ದೀಪದ ಬೆಳಕಿಗೆ ಮೈಯೊಡ್ಡಿ,ಈ ಕೃಷ್ಣನ ಧ್ಯಾನಿಸುತ್ತಾ||

೨. 

ಕವಿತೆ " ದೀಪಾವಳಿ "

ಜೊತೆಯಲ್ಲಿ ಹೊರಟಿವೆವು |

ಬಾಳಿನ ಹಣತೆಯ ಹಚ್ಚಲು||

ಯಾವ ಜನುಮದ ಮೈತ್ರಿ|

ಇವಳ ಬಳಿ ನನ್ನ ಕರೆಯಿತು||

ಮಲ್ಲಿಗೆ, ಮಲ್ಲೆಯ ಇವಳ ಜಡೆಗೆ ಮುಡಿಸಿ|

ಪ್ರೀತಿಯ ಬಾಣವ ಅವಳ ಹೃದಯಕ್ಕೆ ಬೀಸಿದೆನು||

ಬಾಳಿನ ದೀಪಕ್ಕೆ ಒಲವಿನ ಸೊಡರೆಣ್ಣೆಯ ಸುರಿದು | 

ಅಂಧಕಾರದ ಭವಿಷ್ಯ ನಮ್ಮದಾಗದಿರಲಿ ಎಂದು ದೀಪಗಳ ಸಾಲನ್ನು ಹಚ್ಚಿದೆವು ||

ಮನ ತುಂಬಿತು ಮನೆ ಬೆಳಗಿತು ಹೃದಯ ಹಾಡಿತು |

ಜೊತೆಯಾಗಿ ಕೈ ಹಿಡಿದು ಭವಿಷ್ಯದ ದೀಪವ ಹಚ್ಚುತಾ ಹೊರಟಿವೆವು ||

೩. ಕವಿತೆ " ಭಾವತೀರಯಾನ "

ಭಾವತೀರಯಾನದಲ್ಲಿ ಭಾವನೆಗಳ ಬೆರೆತು|

ನನ್ನ ತೋಳುಗಳಲಿ ಬಂಧಿಯಾದಳು||

ಶಬ್ದಕೋಶದಲಿ ಹೊಸಪದವ ಸೇರಿಸಬೇಕೇನೋ|

ಆ ಚೆಲುವೆಯ ನಡಿಗೆಯ ವರ್ಣಿಸಲು||

ಅಂದದ ಮುಖದ,ಸುಂದರ ನಡಿಗೆಯ|

ರಸ್ತೆಯಾಚೆಯ ದಡದಿಂದ ನಡೆದು ನನ್ನೆಡೆಗೆ ಬರುತಿಹಳು||

ಸ್ನೇಹದಿಂದ ಆರಂಭವಾದ ಹಕ್ಕಿಗಳ ಆಟವು|

ಒಲುಮೆಯು ಸ್ಪರ್ಧಿಸಿ ಪ್ರೀತಿಯು ಜಯಿಸಿತು||

ಅಕ್ಕನು ತಂದುಕೊಟ್ಟ ಅಕ್ಕಸಾಲಿಗ ಮಾಡಿಕೊಟ್ಟ ಉಂಗುರವ|

ನಿಶ್ಚಿತಾರ್ಥದ ದಿನ ನಿಶ್ಚಯಿಸಿದಂತೆ ತೊಡಿಸಿದನು||

೪.  ಕವಿತೆ -"ಬಾಲೆ"

ತಾರೆಗಳ ಎಣಿಕೆಯ ಮಾಡಲಾಗುತ್ತಾ|

ನನ್ನ ಅವಳ ಪ್ರೀತಿಯಾಳವ ನೋಡಲಾಗುತ್ತಾ||

ಬಾಳಿನ ದೋಣಿಯಲ್ಲಿ ಒಬ್ಬಂಟಿಗನಾಗಿದ್ದ ಅಂಬಿಗನಿಗೆ|

ಜೊತೆಯಾಗಿ ಬರುವುನೆಂದೆ ಏರಿದಳು ದೋಣಿಯ||

ಕೊರಡು ಉರಿಯುತ್ತಿದ್ದ ಈ ಹೃದಯದಲ್ಲಿ|

ತಂಗಾಳಿಯ ಬೀಸಿದಳು ಆ ಬಾಲೆ||

ಬಾಲೆಯ ಜೊತೆಗೂಡಿ ಸಾಗರದಂಚಿನಲ್ಲಿ|

ಗುಬ್ಬಚ್ಚಿಯ ಗೂಡನು ಕಟ್ಟಿದೆನು|

ಚಿಲಿಪಿಲಿ ಎನ್ನುತ್ತಾ ಪ್ರೇಮರಾಗವ ಹಾಡುತ್ತಾ|

ಬಾನಿನ ಅಂಗಳದಲ್ಲಿ ಹಾರಾಡಿದೆವು ,ಗೂಡ ಸೇರಿದೆವು||

ಪುಟ್ಟ ಹೆಜ್ಜೆ ಇಡುತ,ಕೈಯ ಜೊತೆಯಲಿ ಹಿಡಿದು|

ಸಾಗರದ ದಡದಲ್ಲಿ ವಿಹರಿಸಿತ್ತಿದ್ದೆವು||

ಈ ಬಾಲ ,ಆ ಬಾಲೆಯರ ಸಂಗದ ಮೇಲೆ ಮತ್ಸರಗೊಂಡ ಚಂದ್ರನು|

ಸಾಗರದ ಆಲೆಯ ಉಕ್ಕೆರಿಸಿ ನಮ್ಮೆಡೆಗೆ ತಳ್ಳುತಿಹನು||

೫. ಕವಿತೆ -"ಗುಡಿ"

ಅಂತರಂಗದ ಭಾವನೆಗಳು ಬೆಸೆದವು|

ಅಂತರಾಳದ ಒಲುಮೆ ಚಿಮ್ಮಿತು ||

ಗುಡಿಯ ಮೆಟ್ಟಿಲುಗಳ ಜೊತೆಯಾಗಿ ಹತ್ತುತಿದ್ದೆವು|

ದಾರಿಹೋಕನೋರ್ವ ಜೋಡಿ ಚೆನ್ನವೆಂದನು||

ಸ್ನೇಹಿತೆಯ ಜೊತೆಯ ಸ್ನೇಹ ಆ ಕ್ಷಣವೇ ಮುರಿದು ಬಿದ್ದಿತು|

ಗುಡಿಯ ದೇವರು ಹರಸಿದನು,ಸ್ನೇಹದಾಚೆಗಿನ ಪ್ರೀತಿ ನನ್ನ ಪಾಲಾಯಿತು||

ನವಿಲಿನ ಹಾಗೆ ಕುತ್ತಿಗೆಯ ತಿರುಗಿಸುವ ನನ್ನ ಹುಡುಗಿ|

ಕ್ಷಣ ಕ್ಷಣಕ್ಕೂ ಮುಂಬರುತ್ತಿದ್ದ ತನ್ನ ಮುಂಗುರುಳನ್ನು ಹಿಂದಕ್ಕೆ ಸರಿಸುತಿಹಳು||

ಒಡನೆಯೆ ಸ್ತಬ್ದನಾಗಿ ಒಂದು ಹೆಜ್ಜೆ ಹಿಂದೆ ನಾನು ಸರಿಯಲು|

ದೂರ ಸರಿಯಲೆಂದೇನು ನಾವು ಜೊತೆಯಾಗಿದ್ದೆಂದು ಕೋಪಗೊಂಡಳು||

೬ . ಕವಿತೆ -"ಸ್ನೇಹ "

ಸ್ನೇಹ ಹಸ್ತವ ಚಾಚಿ,ಪ್ರೀತಿಯ ಮಳೆ ಕರೆದು |

ನನ್ನ ಹೃದಯದಲ್ಲಿ ಬಚ್ಚಿಟ್ಟುಕೊಂಡಿರುವ ಗೆಳತಿಯೇ,ಹೇಗೆ ಮರೆಯಲೇ ನಿನ್ನ||

ನಿನ್ನ ಅಂದದ ಚಂದದ ಮೊಗವ ನೋಡಿ|

ಹುಣ್ಣಿಮೆಯ ಚಂದಿರನು ಮೋಡಗಳಲಿ ಮರೆಯಾದನು||

ಹಮ್ಮೆಯಿಂದ ಕಂಪು ಬೀರುತ್ತಿದ್ದ ಮಲ್ಲಿಗೆಯೂ|

ನಿನ್ನ ಮಧು ಮಾತನು ಕೇಳಿ ಮಂಕಾಯಿತು||

ಬೆಟ್ಟದ ತುದಿಯಲ್ಲಿ ಜೋಡಿಹಕ್ಕಿ ಹಾರುವುದ ನೋಡುತ್ತಾ ನಿಂತಿದ್ದೆವು|

ಮಾತು ಮರೆತೆವು,ಮೌನದಾಚೆಗಿನ ಒಲುಮೆ ಕಣ್ತುಂಬಿತು||

ಕಣ್ಣು,ಕಣ್ಣು ಸೇರಿತು,ಭಾವಗೀತೆ ಮೂಡಿತು|

ಸೂರ್ಯನಿರುವವರೆಗೆ ಅವಳ ಪ್ರೀತಿಯ ಚಿಲುಮೆ ಬತ್ತದು 

ಎಂದು ಅರಿವಾಯಿತು||

೭.   ಕವಿತೆ -"ಭಾವ ವೀಣೆ"

ದನಿಯಾದಳು ನನ್ನ ಗೆಳತಿ|

ನನ್ನ ದಮನಿಗಳ ಭಾವಾಂತರಂಗದಲಿ||

ಒಲವಿನ ಹಾದಿಯಲ್ಲಿ ನಡೆದು ಹೋಗುತ್ತಿದ್ದೆವು|

ಒಡನೆಯೇ ಕೈ ಹಿಡಿದು ನನ್ನ ಎಳೆದಳು||

ಕಣ್ಣಿನ ಹುಬ್ಬನ್ನು ಎರಿಸಿ ಏನೆಂದು ನಾನು ಕೇಳಲು|

ತನ್ನ ತಲೆಯ ನನ್ನ ಎದೆಯ ಮೇಲಿಟ್ಟು ಕಣ್ಣಿರುಗರೆದಳು||

ಸತ್ಯದಾಚೆಗಿನ ಪ್ರೀತಿ,ಬೆಳಕಿನೊಳಗಿರುವ ನಂಬಿಕೆ|

ಎರಡು ಹೃದಯದ ಭಾವಗಳು ಬೆರೆತಿಹವು|

ಚೈತ್ರಮಾಸದ ಉರಿಬಿಸಿಲಿನಲ್ಲೂ ಸೋತ ಹೃದಯಗಳಲ್ಲಿ|

ಭಾವ ವೀಣೆ ನುಡಿಯಿತು,ಒಲುಮೆಯ ನದಿ ಹರಿಯಿತು,ಜೊತೆಯಾಗಿ ನಡೆದವು||

೮.  ಕವಿತೆ -"ಕನಸಿನಲ್ಲಿ ಮದುವೆ"

 ಜೀವದ ಗೆಳತಿ ಜೊತೆಯಾದಳು|

ಸಂಸಾರವೆಂಬ ಬಾಳಿನ ನೌಕೆಗೆ||

ಸೋದರತ್ತೆಯ ಮಗಳಲ್ಲ,ವಧು ಪರೀಕ್ಷೆಗೂ ಹೋಗಲಿಲ್ಲ|

ಹುಡುಗ ಬರುತ್ತಿಹನೆಂದು ನಾಚಿ ಕೋಣೆಯೊಳಗೂ ಓಡಿರಲಿಲ್ಲ||

"ಶ್ರೀನಗರ" ಬಸ್ಟಾಂಡನಲ್ಲಿ ಒಟ್ಟಿಗೆ ಬಸ್ ಹತ್ತುತ್ತಿದ್ದೆವು,ಕಂಡಕ್ಟರ್ ರೈಟ್ ಹೇಳುತ್ತಿದ್ದ|

ಎಂದೋ ಮಿಲನಗೊಂಡಿದ್ದ ಮನಸ್ಸುಗಳಿಗೆ ಕುಟುಂಬಗಳೂ ರೈಟ್ ಎಂದವು||

ಇದ್ದಿಲಿನ ಮಸಿಗಿಂತಲೂ ಕಪ್ಪಲೇ ಎಂದು ಗೆಳತಿ ಕೇಳಲೂ|

ಹೃದಯದಲ್ಲಿ ಅಂತಹದೇನು ಕಾಣಲಿಲ್ಲವೆಂದಳು||

ತಿಪಟೂರಿನ ತನಕ ಹೋಗ್ಬೆಕಲ್ಲವೇ ಎಂದು ಅಜ್ಜಿ ಗೋಗರೆದಾಗ|

ಶ್ರೀರಾಮನಂತಹವನಿಗಾಗಿ ಹುಬ್ಬಳ್ಳಿಗೂ ಹೋಗಲೂ ಸಿದ್ಧವೆಂದಳು||

ರೇಷಿಮೆ ಸೀರೆ,ಮಗುಟಗಳಿಗೆ ಪುರೋಹಿತರು ಗಂಟು ಹಾಕಿದರು|

ನನ್ನ ಹೆಜ್ಜೆಯನ್ನೆ ಅನುಸರಿಸುತ್ತಾ ಅಗ್ನಿ ದೇವನಿಗೆ ನಮಸ್ಕರಿಸಿದಳು||

ಸಪ್ತಪದಿ ತುಳಿದೆವು,ಭೂಮದ ಊಟದಲ್ಲಿ ಜೊತೆಯಾಗಿ ಕುಳಿದೆವು|

"ಸಾರ್ ಮೆಜೆಸ್ಟಿಕ್ ಬಂತು " ಎಂದು ಕೂಗಿ ಕನಸಿನ ಮದುವೆಯನ್ನೂ ಕಂಡಕ್ಟರ್ ಹಾಳುಮಾಡಿದ||

ಆಭಿಲಾಷ್ ಟಿ ಬಿ

ತಿಪಟೂರು